عزیز قلمداش،اوخوجو، دوست -تانیشلار سلاملار
بایرامیز موبارکلر
اینشااللاه بو قارانلیق گونلر توپراغیمیزین ائلیمیزین اوزوندن سیلینر
گوزل گونلر یئنه اوزوموزه گوله جک .
بو نئچه آیدا اولماماقیم بیر نئچه عللتی واریدی بیر اویودی کی درسلریمده چتین مرحله سینده یدیم ایکی نجی بو کی بیر کیتاب ائلیم وطنیم آدیندا چاپدان چیخارتماغیمیدی
یئنه بیرلیکده گونلریمیز اولاجاق او گونه
من بوله سی کی اینشااللاه بو اعترافلار یالان اولار!
کیان عمی دئییردی:گئچه جکده بیزی قمار اویناماقدا یاخالادیلار، آلتی نفره قدر توتولدوق.
بیزی کلانتریده صفه دوزدوروب، بیر- بیر آختاریردیلار.
من باشدا اولماقدا ایلک آختاریش مندن باشلاندی، اوچ آشیق -اوتوز بش تومن - باش داراغی ایستول اوستونه قویولدو.
هامیدان ائله منیم تک سیگارت- کبریت- کره که- پول -خودکار -داراق ایستول اوستونه قویولوردو.
محممد- مامد- زینال- زامانی آختاراندان سونرا ،ایش بخان عمی یه یئتیشدی. بخان عمی نی آختاراندا ،جیبیندن چوخلو شئی لر ایستول اوستونه قویولوردو، او شئی لرین آراسیندا،بیر دستده ورقده تاپیلدی.
نگهبان افسری او آن، ورق لر الینده بخان عمی دن سوروشدو :بو نلار هارداندی؟ بخان عمی یئره باخا- باخا ملایم حالتده دئدی، آغا رئیس! بونلاری مشهددن گتیرمیشم!!
گرگرلی آراز
بو حکایتی احمد موعللیمدن ائشیدمیشم
مملکتده هانسی صرفه لیدی!
دوکتور جئری نین آتاسی موللا میرزه حیدر عادتی میش،هر گون سحر گئدیب بیر کیلو سوت آلارمیش.
بیر گون سحر گلنده ،گورور سوتجونون قاپی قاباغی صفدی،اودا گئچیر نوبته دورور .
میرزه حیدر یانینداکی خانیما ،دئییر:خانیم سیزین کیشیز یوخدو ،بو سحر تئزدن سوت نوبه سینه گلسیب سیز؟ خانیم ،ادب-ارکانیله دئییر:حاجی دایی، یوخ کیشیم آللاه رحمتینه گئدیب.
میرزه حیدر بیر اللرین اوفکالاییب،دئییر:خانیم ایه ر ایجازه وئرسه ز ،سیز گلین منه !من گلیب سوتوزو آلارام.
خانیم دئییر:سیزین مه یر خانیمیز یوخدو؟ موللاه میرزه حیدر دئییر:نییه دوردو واریمدی!سیزده گلسه ز ،اولار بش!
خانیم بیر فیله شیر،بو آندا میرزه حیدر،دئییر:نئجه ؟راضی سیز؟!
خانیم،دئییر:یوخ میرزه،ائله سوت نوبه سینده دورماغیم!گئجه کیشی نوبه سینده دورماغیمدان،صرفه لیدی!!
گرگرلی آراز
اوخومامیشدان ،عابباس ائلچین موعللیم دن عذر دیله ییرم(قدیم یازیلاردان)
برجام نئجه باغلانیب!؟
عابباس ائلچین شهرلرینده بیر قصصابخانایا وارید اولاندا، گورور چوخ گوزل داوارلار کسیلیب، هامیسی ایرکک قوزودولار. بیریندن خوشو گلیب، یاریسین ایسته ییر. قصصاب دهره نی گوتوروب، داواری یاری بولندن سونرا ،اوز دونده ریب عابباس ائلچینه، دئییر: هانسی سین ایسته ییرسن اونو دوغراییم. عابباس ائلچین بیر قدم قوزونون طرفینه چکیلیب، شاققالاری اندر- دوندر ائیله ییر، ایسته ییردی بیرین سئچسین، الی دولاشیر شاققاداکی ایکی خایالیقینا ،ایسته ییر الین چکسین ،الین چکه -چکه قوزونون خایالیقلاری الینه گلیر. اوندا گورور، قت(قند) قاتماسیلا اونلاری دیشی داوارلارا تیکیب- باغلاییبلار! قصصاب بو حالی گوره نده، ال قویور اوزونه، دئییر:سن نئجه گوج وئردین کی منین ایرکک قوزولاریمین خایالیقلارین یئریندن چکیب چیخارتدین؟ خایالیقلار عابباس ائلچینین الینده، بیر اونلارا بیرده قصصاب کی اؤزون دیدیب توکوردی باخیب، سونرا گوله- گوله ،دئدی: منیم قارداشیم بولار نه سوزدی، من ائله ده گوج وئرمه دیم ،بولاردا بیر ایش وار!اینانمیرسان سن گل منیم کی لردن آسلان! ایه ر یئریندن اندیش ائله سه لر!!
گرگرلی آراز
ایداره لرده- سازمانلاردا ایشه گوتورمک، نوه- نتیجه نیده گئچیب !
ائلچی بئی:عابباس ائلچین جنابلاری بو مصاحبه نی منه ایجازه وئرمه یزیدن، چوخ تشککور ائیله ییرم .
عابباس ائلچین:منه چوخ ایفتیخاردی، چوخ ممنون قالاراق، بو بیزیم میللتیمیزه، جیمهوریه تیمیزه ،محببتیمیزی کورسه دیر.
ائلچی بئی:هله مصاحبه باشلامامیشدان،اونو دئییم کی ایداره زه قدم قویاندا ،حراستده عابباسعلی ائلچین اورانین مسئولو سانیردی، سیزیله نه نسبتی وار؟
عابباس ائلچین:ائله نسبتیم اونلاریلا یوخدی، عمی نوه سیده هئچ ساییلمیر.
ائلچی بئی:بیزی سیزین دفتریزه هدایت ائدن عابباسقولی ائلچین یدی، سیزیله نه قوهوملوقو وار؟
عابباس ائلچین:هئچ، همی عمیم اوغلودو، همیده خالوغلومدی، نئیله مک اولار.
ائلچی بئی:دفتریزه گلنده سیزین منشی ،تلفونیله دانیشیردی هی دئییردی: ائلچین جانی اوجور دئمه یین! هانسی ائلچینی دئییردی؟ سیزی کی دئمیردی؟
عابباس ائلچین:یوخ جانیم ،ائله اؤز جانینا آند ایچیرمیش، آخی اودا علی عابباس ائلچیندی، سیزین نوکریز دایی نوه سیدی.
ائلچی بئی:آیری بیر قوهوموزدا بو ایداره ده بونلاردان سونرا وار ؟
عابباس ائلچین:یوخدا، ائله بونلاردان سونرا بیر –ایکی سیده وار.آنبار مسئولو ،عمی نتیجه سی ابولفضل ائلچین،سوروجو بی بی نوه سی جبرائیل ائلچین،معاون، طایفا عمی اوغلوسو ظولوم ائلچین،صاندیقچی عمی کوره که نی ظلیم ائلچین،چایچی دایی قیزیمین اوغلو قنیم ائلچین،نگهبانیمیز صادیق ائلچیندن سوایی بیر بش، آلتی سیدا وار کی یادیمنان چیخیب گره ک گورم آدلاری یادیما دوشه!
ائلچی بئی :حاضیرسیز مصاحبه نی باشلایاق!
عابباس ائلچین:بیر آزدا ساخلاشدیرین، قاینیم، امیدوار ائلچین خوت شالواریمی گتیرسین، اوندان سونرا من حاضیر!!
گرگرلی آراز
فارسلارین داوارلارینین قیغی اولماز!
او گون خیروللاه دئییردی: درس اوخویان زامان، درس اوخویان یئریم، ایسماعیلین باغینین دیوار یانی، چیمن لیقیدی. بیر گون اورا گئدنده گوردوم، سیفی ده داوارلاریلا برابر اوردا، چای دمله ییب، ایچماقدادیر. خلاصه بیر آزدان سونرا ایسماعیلین قارداشی، عابباس آغادا بیزه قوشولدو. عابباس بش- آلتی یاش بیزدن بویوک اولاردی، درس اوخوماماقدان، هردن ایش آختارماقا پایتخته یولا دوشردی.عابباس، بیزلریله، فارس دانیشماقا فخر ساتاردی، او گونده بیزی سیناماق اوچون، بیزدن خبر آلدی:فارسجا قلمه آغاجینین دیبینه نه دییه ر؟ من، دئدیم: ریشه دییه ر. دئدی: یوخ ریشه دئمز! اونا دییه ر: بیخ! بن! دییه ر. سیفی منه بیر باخدی، اؤز تخصصوصونده سوال وئریب، سوروشدو: داوارین قیغینا فارسیجان نه دییه ر؟! عبباس بیر بارماقلاریلا باشین قاشیدی، سونرا سیفی یه باخیب، دئدی: فارسلارین داوارلارینین قیغی اولماز!!
گرگرلی آراز
درباره این سایت